香港新浪網 MySinaBlog
« 上一篇 | 下一篇 »
Gunner | 15th Apr 2008, 11:49 AM | Football!! Football!!, 阿仙奴 | (1028 Reads)

老實說,硬要在漂亮足球與錦標之間二選一的話,我會選擇前者──當然,漂亮很多時是「好睇唔好食」。

縱然,阿仙奴的冠軍夢,連續第二年在不足兩星期之內灰飛煙滅,我還是會有這個選擇。

有兵工廠球迷跟我說:「我們又度過了一個失望的球季」。失望一詞,看你如何定義吧。四大球會之中,阿仙奴是唯一一隊在過去三年,沒有奪得過任何錦標。按「錦標為本」的定義,這算是失望吧。

然而,阿仙奴度過了怎樣的一個球季?

季初12連勝,跨季28場不敗,佔據聯賽榜首席近半年,一度領先紅魔5分、車路士8分、本季最遲敗陣的英超球隊,歐聯7球狂數斯拉維亞,作客聖西路擊潰衛冕盟主AC米蘭...這就是失去了亨利之後的兵工廠了。若果八個月前你向別人這樣說,阿仙奴今季會這樣這樣,有人會不說你是瘋子嗎?

這一季的兵工廠,給球迷(無論你是否阿仙奴擁躉)帶來了無盡的驚喜。當然,比賽從來都是七分實力、三分運氣,在爭標的最後一段直路上,運氣顯然不經常在阿仙奴的那一邊。我不想把球證的爭議判決無限放大,實際上,傷疲交纏與後防失魂,才是令兵工廠再次四大皆空的致命傷。作為曾經長據榜首的球隊來說,最終落得如此地步,失望是理所當然的。

然而,失望不等如失敗。

很佩服一位追捧紐卡素的老友,從球隊十多年前兩奪聯賽亞軍,到過去幾季淪為中下游分子,今年更幾乎捲入降班漩渦,他仍然對「喜鵲」不離不棄,甚至打winning時,也會獨排眾議,選擇紐卡素。

這就是真正的球隊支持者,正如你喜歡一個人,不會因為他/她一時的不可愛,就會遠走高飛。

當不求過程、但求結果的「1比0實務主義」抬頭、職業足球淪為純粹商業、大批富豪灌水的年代,可幸還有雲加對秀麗足球的執著,以及球會董事局的堅持。給我再選的話,我仍會選擇這支上下一心,踢法進取,娛己娛人的球隊;懶理別人單純把足球,視為一樁富可敵國的跨國生意,我們期望的,是在綠茵場上充分展現,何謂藝術。

為兵工廠鼓掌。


[1]

我是一位利迷 ... 不過阿仙奴的表現真的要鼓一鼓掌, 老實質說阿仙奴的表現真的比利物浦來得穩定, 但主要問題亦是有質素的後備球員不足有關, 加上傷兵問題, 跟本沒有足夠能力去認負歐聯及英超兩大戰線, 結果兩頭唔到岸. 不過看過阿仙奴近兩場作客比賽, 並沒有處於下風, 反而表現出強烈的爭勝決心, 敗陣只是因為欠了一點運及尾段有少許氣力不足, 就是這點已經值得令人尊敬.

不過有點見解與你不同, 其實什麼金錢足球, 什麼漂亮足球, 全都只是失敗者的藉口, 試問誰不想自己的球隊拿冠軍, 比賽的目的就是獲勝, 踢法進取或是保守也是戰術之一, 最終獲勝的便是英雄, 藝術足球最好都是留作表演時才使用吧了 ...

希望利記與阿記下年度有出色的表現.

Hang
[引用] | 作者 Hang | 15th Apr 2008 16:19 PM | [舉報垃圾留言]

[2] Re: Hang

謝謝您的留言。

同意最終獲勝是英雄,沒有球迷會喜歡自己的愛隊「雖敗猶榮」;

然而,追捧一支球隊,或多或少總是欠缺一點理性的,

相信您也同意吧。

 

Gunner
[引用] | 作者 Gunner | 15th Apr 2008 22:44 PM | [舉報垃圾留言]

[3]

如果比賽的目的就是獲勝, 那就是有19支沒有完成目的. 那沒有完成目的的努力要不要去肯定呢?!
第二跟第二十名都是輸?!

足球以致很多東西, 賽果,名次,獎項都是大多數人所看重! 不可否認, 現實確是這樣..
但如果所有事情都這樣看, 什麼都沒有意思..
沒有人去捱夜,山長水遠看球賽,只看入球精華!

也許你覺得我們在自我安慰,也許是...
但再想想, 路還很長, 終有一天會做到!
得到那一刻是很短暫, 但過程卻是很漫長...
也是我們更需要去享受!
人生也一樣呢..

沒有亨利, 雲佩斯早就傷出, 路斯基及希比的玻璃腳, 達施華斷腳, 列文失準,法明利的離心, 辛達路斯轉身慢, 法比加斯的疲乏, 後備的力量根班不夠其他3強, 雲格地波組織的打法...
也許都是輸的原因!
但我們喜歡的槍手就是如此!
錢可以推切很多東西,但不花錢建立的精神,是買也買不到, 才是最有價值!

*我是阿仙奴同荷蘭的fans, 也許是這樣, 兩隊都沒有獲什麼獎,但都是悅目足球!

版主, 很久沒看你更新呢.. ha ha!


[引用] | 作者 BunLam | 15th Apr 2008 22:58 PM | [舉報垃圾留言]

[4] Re: BunLam

曼聯的第一個超聯錦標,跟上一個聯賽冠軍,相距了25年;
車路士相隔了50年,兵工廠71年奪聯賽冠軍後,
一等就是18年,利物浦上次取聯賽冠軍是1990年......

四大皆空,其實並不算甚麼,球隊奪標與否,
我覺得並不是看球賽的「唯一」指標。

我聽過一個有關英超最投入球迷的調查,
堅尼帶領的新特蘭,是名列前三位的。

荷蘭,青黃不接,今屆歐國盃,我這個Oranje迷,
也不敢抱太大期望...

Gunner
[引用] | 作者 Gunner | 16th Apr 2008 10:12 AM | [舉報垃圾留言]

[5]

hello, 你好,我係一個利迷,不過,我係好尊敬阿仙奴的。

阿仙奴迷失望,我地利迷更失望,聯賽,等左20年...

不過,我都認為,現今既足球,係錢既遊戲,阿仙奴要建新球場,都係為左呢樣,因為從曼聯身上我地睇到,曼聯早十年八年前既成就,的確係青訓出色,但近年,曼聯稱霸,好聽就話營商有道,其實即係,因為錢。

每年,買三四個大約二千萬鎊既人,同一位置,一個唔夠,買兩個。然後,每兩三年,用約3000萬鎊買一個巨星,華朗、里奧、朗尼,咁樣連續幾年,霸業就係咁。

好似岩岩場阿仙奴對曼聯,曼聯後備入替既,就係千幾二千萬鎊既兩個人,對碰既,係錢。

我成日同人講,利物浦,輸畀阿仙奴,我服,輸畀愛華頓,我更加服,但輸畀曼聯,我唔服!

賓尼迪斯同老闆開大片,因為佢想買斷馬斯查蘭奴,價值1800萬鎊,呢個價錢,就係曼聯買卡域克既價錢,仲要一個唔夠,買多一個夏格維斯。揮金如土,面不改容。

所以,阿仙奴,用青春班踢到今日既成績,係令人尊敬既,但老闆們亦知道,要長遠同曼聯鬥,就係要鬥賺錢,鬥球場,鬥cash flow,如果唔係,年年都讓車馬炮,冇得打。


[引用] | 作者 water | 16th Apr 2008 21:07 PM | [舉報垃圾留言]

[6] Re: water

近年球壇(特別英超)的燒銀紙遊戲,令足球越來越近似FM和WINNING的模式,
錢多似乎一定贏,因此會出現蘭尼身價高過亨利的怪現象。
儘管像戴倫賓特那魚翅價錢,踢出蔗渣味道的經歷,
球會老闆們仍會樂此不疲,人買我又買。

實不相瞞,我曾經喜歡車仔(兵工廠擁躉不要打我呀),
那是上世紀末,擁有蘇拿、迪西里、迪馬堤奧和勞特立的年代。
現在那隊?摩佬還在的時候,仍算有點領隊功架(雖然都幾令人討厭),
格蘭??看他在聯賽盃由贏變輸,還換走踢得最好的艾辛,
就知其功力去到甚麼層次!沒有性格與靈魂的球隊,
有錢,有啥用?!

Gunner
[引用] | 作者 Gunner | 17th Apr 2008 14:37 PM | [舉報垃圾留言]

[7] *high five* :)

你好呀:)
我都係支持阿仙奴既fan!
支持阿仙奴... 係因為佢地既足球風格.
我都寧願要輸得漂亮,都唔要贏得冇格...
當然... 今季初既阿仙奴又踢得漂亮又贏到比賽.
o個陣既我真係以為靠"後生仔"呢股衝勁可以支持呢隊冇乜人既隊伍贏到最後冠軍...
當然... 事實上係唔能夠既.
陣容太薄弱加上主力傷得太多太密(v11/r7...)
主力球員季中後開始現疲態....
某幾場球證判決...
總之要下季再努力過啦!

點都好 不過就憑佢地今季既表現.
好似你所講:絕對帶俾所有球迷驚喜.

就我個人以言. 我丁點兒都唔覺得失望.
我甚至唔覺得阿仙奴今季輸晒.
我覺得我地係今季最大既贏家. :)
每場都有踢出自己既團體精神
每次都永不放棄地踢每一場.
球員又越來越有進步.
而且贏得對手同其他人既尊重與認同!!

我成日都同我朋友講:
支持阿仙奴最大既原因係佢地俾我既感動.
尤其是呢兩年.
成日俾人睇死.. 但係佢地就自強俾你睇.
奮戰到最後一刻! :)

依家淨係希望主力球員ie法明尼o個D唔好走!
同埋雲加應該用多少少錢買多少少人==

ARSENAL TILL I DIE!:)


[引用] | 作者 gooner :) | 17th Apr 2008 23:09 PM | [舉報垃圾留言]

[8]

陣容厚度不足,逆境處理經驗不足。
但我相信他們下年會做得更好。


[引用] | 作者 Ohiamsorry | 21st Apr 2008 13:25 PM | [舉報垃圾留言]

[9]

你好,我係曼聯fans,但我覺得阿仙奴今季的表演是值得嘉許的,每一場比賽都全力以赴,每一個球員都發揮得想當不俗,欠的只是運氣及際遇,希望下季曼聯能夠和阿仙奴繼續打d高水準的比賽!!


[引用] | 作者 Ricky | 21st Apr 2008 22:34 PM | [舉報垃圾留言]

[10] 漂亮足球萬歲

我是你blog 的忠實擁躉。表妹常常推介。當然,也因為我也是阿仙奴迷。

很同意你這篇文章的看法。因為這也是我們大部份Gunners對球隊不離不棄的原因。

你的文筆是我認為在互聯網上難得一見的好看。當然啦..行家嘛。我覺得文字有點 magic,令感動的事可以變得更感動。軟硬天師一篇帶來無限唏噓和沉思。

最近因為開舖,也開始寫 blog 和 上Facebook, 真有點老人資訊科技的味道。更真實地感受到,這一代人和以後,人類生活真的被互聯網改變。

和很多行家一樣,我寫新聞、寫文化,也寫阿仙奴。你有空也去看看。再次謝謝你的文章給我的啟發。


[引用] | 作者 岑仔 | 27th Apr 2008 11:42 AM | [舉報垃圾留言]

[11] Re: 岑仔

謝謝誇獎,但你唔留底個你地盤的網址給我,點找你呀? 我有facebook戶口的,但後來關掉了,因為覺得好煩,虛擬得過份,唔啱我呢啲阿伯。

昨晚車仔臨尾搞掂曼聯,即係阿仙奴仲有數字上的可能取聯賽冠軍。emotion 條數咁計:未來三場,阿記贏晒,83分;車仔與曼聯餘下兩場,1和1負,82分,yeah!!!emotion

只要有夢想,凡事可成真!!

Gunner
[引用] | 作者 Gunner | 27th Apr 2008 12:28 PM | [舉報垃圾留言]

[12] 我的Facebook 及 blog

講真, 唔算寫得多, 亦唔算好有時間,好有心機。不過但求抒發下...

http://hk.myblog.yahoo.com/teacoffeetwo/


[引用] | 作者 岑仔 | 27th Apr 2008 23:24 PM | [舉報垃圾留言]

[13] 約你去街街

路人阿伯呀,
你星期日得唔得閒呀,
我想約你去街呀,
你會唔會拒絕我呀
表妹


[引用] | 作者 表妹 | 28th Apr 2008 00:16 AM | [舉報垃圾留言]

[14] Re: 表妹
表妹 : 路人阿伯呀,你星期日得唔得閒呀,我想約你去街呀,你會唔會拒絕我呀表妹


乜你咁公然ga?俾夫人見到點算?emotion

星期日我要返工喎,去滿記食甜品定係去能記食燒鵝?上個月我去能記,見到馬德鐘呀,hahaemotion

Gunner
[引用] | 作者 Gunner | 28th Apr 2008 09:28 AM | [舉報垃圾留言]

[15]

係噃!
我唔記得咗,呢到可能係全香港點擊率最高嘅網頁㖭。
我想約你去砵x街,嗰條街又名x蘭街,
唔知你嘗面不嘗面呢?
返工都無所謂㗎,放工先囉,我得你呀吓...


[引用] | 作者 表妹 | 28th Apr 2008 10:00 AM | [舉報垃圾留言]

[16] Re: 表妹
表妹 : 係噃!我唔記得咗,呢到可能係全香港點擊率最高嘅網頁㖭。我想約你去砵x街,嗰條街又名x蘭街,唔知你嘗面不嘗面呢?返工都無所謂㗎,放工先囉,我得你呀吓...
哦,係咪嗰間享負盛名,售賣優質飲品小食,平時好多城中名人潮人光顧的「TC2」咖啡店,砵x街新舖恭候客人的大日子呢?!我看看午飯時間能否「鼠」出來?emotion

Gunner
[引用] | 作者 Gunner | 28th Apr 2008 23:20 PM | [舉報垃圾留言]

[17]

喂呀,你放工嚟得唔得呀︳
人哋四點先開始恭候
係咪玩嘢呀


[引用] | 作者 表妹 | 29th Apr 2008 01:03 AM | [舉報垃圾留言]