香港新浪網 MySinaBlog
« 上一篇 | 下一篇 »
Gunner | 26th Aug 2008, 10:17 AM | 時事發蹹風, 大銀幕與公仔箱, 吹水亭 | (3547 Reads)

當知道黃毓民出選九龍西,心裡實在十分期待。不是期待他可以高票當選,成為尊貴議員(相反我不想他當選,怕他成為六十分之一以後,力量大減),而是期盼著他在選舉論壇中,可以理直氣壯把左、中、右所有候選人打個烯巴爛。這一幕,終於來臨。

辯論,不是死記硬背,而是講求變通、急才、轉數快。縱橫傳媒三十多年,也在電子媒體出任主持多年,辯論對毓民來說,完全是駕輕就熟,他的辯才,未必是天下無敵,卻因對手水平實在低得可以,令毓民所說每一句,都變得字字珠磯,擲地有聲。最重要是,他不會跟你扮斯文,卻會完完全全地豁出去,潑「佬」罵街,叫親者痛,仇者快。 

毓民這次臨場變陣(他說原本是招呼馮檢基),也叫這群所謂的民建聯新一代大出洋相。還以為那位歷經多年仍半紅不黑的鍾港武,潛心害練多時,能駛出甚麼必殺技,叫白鴿黨涂謹申啞口無言,誰不知竟是比荷媽爛gag更爛上百倍的「匯標事件」!揭政敵瘡疤舊賬,無可厚非,因為政治就是如此,但重提這件早已叫人淡忘,連廉署也關了檔案的陳年往事,正正顯示了這位兄台的政治智慧和社會脈搏,有多updated、有多緊貼、有多「潮」。

若果這群「新一代」的政治頭腦如此簡單,以為「匯標」可令選民不投票給白鴿黨以至泛民,那麼泛民豈非可憑其人之道,還治其人之身?程介南八年前被揭發以權謀私,那民建聯誠信又何存(他或會答,所以我們已跟阿程劃清界線囉)?身處九龍東和新界西的候選人,又可以指著黃國健與王國興質問,41年前左派工會把香港變成同胞勿近的「菠蘿之城」,堪稱阿爾蓋達恐怖分子之鼻祖,為何楊光仍有顏面領取那個大紫荊?工聯會是否愧對當年每個遭炸彈奪去性命的香港人?

「新一代」更令人貽笑大方的,是以為自己懂得在遊戲規則上鑽空子,拒讓當事人涂謹申回應,「我而家問林浩揚(涂的搭檔)。」仿如小學生對著同學指罵時卻說:「我而家話你咩,你自認呀?!」這樣的辯才,連參與油麻地街坊福利會會議,似乎也力有不遞。

毓民這招「有佢講無人講」,想深一層,實也救了那四位靦腆苦笑的才俊。李慧琼聲言民建聯副主席蘇錦樑,是自己披露擁有加拿大國籍,已是騙盡七百萬港人。實情是,當蘇錦樑遭某報踢爆手持楓葉國護照後,足足一個星期人間蒸發,手機、傳呼、電郵,全不回覆,令記者幾乎要報警失蹤人口,七日之後,他才灰頭土臉,硬著頭皮站到台前招認。可以預期,讓這些「我們會做得更好」的新一代多一點答問時間,只會令他們有更多破綻,語塞當場。

多得毓民,令一向沉悶不堪的選舉論壇帶來驚喜,那份視覺和聽覺上的享受,實在比奧運有過之而無不及。

感謝友好茂斯提點,同場李慧琼答涂謹申,一樣答得一塌糊塗,不知所云。

阿涂問「警察投訴科應否獨立於警方編制以外」,妳口窒窒答非所問之餘,連「警察投訴科」和「警監會」也弄得一團糟(可恨阿涂又扮斯文,竟沒有直斥其無知)。這不是甚麼艱深的政策條文,而是一些非常基本的常識和認知,正如你不會把「教育局」和「教資會」混淆一樣,這是對一個準Lawmaker的最基本要求而已;保皇新一代,你們做得到嗎?


[1]

哇!!!爽到呀!!!!
毓民應該加多句:插板啦你!!!!!!!


[引用] | 作者 茂斯 | 26th Aug 2008 14:23 PM | [舉報垃圾留言]

[2] Re: 茂斯
茂斯 : 哇!!!爽到呀!!!!毓民應該加多句:插板啦你!!!!!!!
插板?? 話咁易咩,只怕這位「千年老二」(永遠名單排第二)有心無力咋!!

Gunner
[引用] | 作者 Gunner | 26th Aug 2008 14:46 PM | [舉報垃圾留言]

[3] uncleray

黃是拔刀相助,但涂被對手罵至無還手之力,也不是好事。

UncleRay
[引用] | 作者 UncleRay | 26th Aug 2008 15:58 PM | [舉報垃圾留言]

[4]

毓民令好多年輕人覺得政治未必好悶

巨人
[引用] | 作者 巨人 | 26th Aug 2008 19:39 PM | [舉報垃圾留言]

[5] 癲狗

癲狗喪咬賤人,過癮!毓民夠薑!
老毛語錄話齋:"革命不是請客吃飯"!要插敵人,就要直接插其盲點,一眾泛民大敵當前仲要扮君子、扮期文!
今日過海,一出隧道口就見民賤聯大剌剌廣告牌:"香港可以做得更好"(我心裡立即在末處加上破折號)--如果少咗你班保皇黨!


[引用] | 作者 路人丙 | 26th Aug 2008 20:02 PM | [舉報垃圾留言]

[6] Re: UncleRay
UncleRay :
黃是拔刀相助,但涂被對手罵至無還手之力,也不是好事。

扮斯文的後果,就是這樣。

Gunner
[引用] | 作者 Gunner | 26th Aug 2008 22:58 PM | [舉報垃圾留言]

[7]

好一個以其人之道還自其人之身!!
鍾港武呢條友,巴巴閉閉學人玩大聲,佢梗係唔記得左毓民在現場!!
「民建聯最無恥」,真係一矢中的!!


[引用] | 作者 小彭 | 27th Aug 2008 00:24 AM | [舉報垃圾留言]

[8]

不論是民主黨,民建聯定係黃毓民,全部都是潑婦罵街,得個惡字,呢d就係所謂既辯論?低水平到死

fighting phoneix
[引用] | 作者 fighting phoneix | 27th Aug 2008 15:54 PM | [舉報垃圾留言]

[9] 大辯?冇佢地份!

呢條武仔(姓鐘)邊處搵番黎架,咁霸道o既!大會定既規矩佢就唔肯跟,自己定既規矩就要對手跟。明明係插涂謹申,但係又偏偏唔准涂謹申回應,咪即係明屈。
果個李慧X(真係唔識讀呢個字)面皮好厚呀!「我地好多既會員都有唔同既國籍」,竟然唔會面紅。成班「愛國」既外國人組職,都唔知愛邊個國。
毓民鬧得好:「民建聯最無恥」。

九龍居民
[引用] | 作者 九龍居民 | 27th Aug 2008 17:29 PM | [舉報垃圾留言]

[10]

毓民好野!!

水十十月
[引用] | 作者 水十十月 | 27th Aug 2008 21:09 PM | [舉報垃圾留言]

[11]

多謝你推介呢條片,實在令人拍爛手掌!一向都好鬼憎個「中港無」,最衰已搬離九龍西,無法投毓民一票...


[引用] | 作者 ck | 28th Aug 2008 00:23 AM | [舉報垃圾留言]

[12]

thanks for video!!


[引用] | 作者 民建聯最無恥 | 28th Aug 2008 09:42 AM | [舉報垃圾留言]

[13]

又係毓民,討厭. 問完人又要阻住人回答,都係港台均真. 人人相同時間, 你夠鐘個咪都停埋. 大讚毓民的人, 根本有違公平原則. 或者在你心目中,毓民就代表公平,咁樣的質素,簡直劣質民主.


[引用] | 作者 james | 28th Aug 2008 10:27 AM | [舉報垃圾留言]

[14] Re: james
james : 又係毓民,討厭. 問完人又要阻住人回答,都係港台均真. 人人相同時間, 你夠鐘個咪都停埋. 大讚毓民的人, 根本有違公平原則. 或者在你心目中,毓民就代表公平,咁樣的質素,簡直劣質民主.

有違公平原則? 我唔知你根本有無睇這條片,不如你搞清楚啲來龍去脈和事實先至講啦。

不過無所謂,可能你無睇條片都已有立場,我衷心的表示尊重,正如我也有先入為主,200%不會把選票投給某些人一樣。

Gunner
[引用] | 作者 Gunner | 28th Aug 2008 17:46 PM | [舉報垃圾留言]

[15] 我冇違公平原則
james : 又係毓民,討厭. 問完人又要阻住人回答,都係港台均真. 人人相同時間, 你夠鐘個咪都停埋. 大讚毓民的人, 根本有違公平原則. 或者在你心目中,毓民就代表公平,咁樣的質素,簡直劣質民主.

嘩!讚人都唔得?呢個係乜野世界!
「問完人又要阻住人回答」呢個規矩本來就係民建聯提出與及首先執行。毓民學佢咁做,算係學壞,不過就好「公平」(但亦只適用於民建聯身上--以其人之道還治其人之身)。冇一個人可以代表公平。我讚毓民只係因為佢鬧得有道理。

九龍居民
[引用] | 作者 九龍居民 | 28th Aug 2008 17:47 PM | [舉報垃圾留言]

[16] Re: fighting phoneix
fighting phoneix :
不論是民主黨,民建聯定係黃毓民,全部都是潑婦罵街,得個惡字,呢d就係所謂既辯論?低水平到死

當全世界都以潑、以惡橫行,仍要扮斯文係你自己低能、無能。
若別人持惡行兇摑了你左臉,係咪要俾對方摑埋右臉才叫"高水平"?
咁"高質素"的儍佬就留番俾閣下做好咯!


[引用] | 作者 路人丙 | 28th Aug 2008 18:41 PM | [舉報垃圾留言]

[17]

毓民講野
唉.....其實我幾驚佢變長毛翻版.....咪啊!

Lan
[引用] | 作者 Lan | 29th Aug 2008 01:32 AM | [舉報垃圾留言]

[18] Re: 路人丙
路人丙 當全世界都以潑、以惡橫行,仍要扮斯文係你自己低能、無能。若別人持惡行兇摑了你左臉,係咪要俾對方摑埋右臉才叫"高水平"?咁"高質素"的儍佬就留番俾閣下做好咯!


好一個高水平,好一個高質素,你真係一個叻仔emotion

照你既意思,如果差佬唔拉人既話,出邊個個都係殺人放火強姦,咁閣下自然都會做埋一份了,因為你唔想扮斯文,你唔想做傻佬,你唔想執輸,人地殺人放火強姦,跟住人地做就得啦,人地食屎你都會跟住人地食了,因為你唔會用你個腦去唸,做一隻跟尾狗就ok了emotion

fighting phoneix
[引用] | 作者 fighting phoneix | 29th Aug 2008 19:39 PM | [舉報垃圾留言]

[19]

睇完呢段片,我的感想不是關於候選人的表現,而是傳媒點樣舉辦選舉論壇的問題.

我都唔明電視台點解會設計咁樣既答問規距,問題連回應加埋四分鐘,發問的人只要”問”夠三分五十九秒,被質問的人便無反擊之力.就算無三分五十九秒咁誇張,這個機制鼓勵發問的人拖長黎講,完全唔公平,稍後用腦諗下都知啦.

仲有,民建聯提出的問題明明關於涂謹申,卻指明要第三者(雖然同屬民主黨)回答,涂謹申無法回應.係咁既情況之下,主持人一開始就應該判定問題無效,仲點可以俾佢用咁長時間問落去?否則的話,論壇就亂七八糟,觀眾根本唔知發生乜事.

政客無恥,是必然的,無需多講,但傳媒如此無能,實在令人失望.就算係小學的辯論比賽,都有明文規定每人的發言時間,也一定會規定發言不能離題,傳媒機構怎可以如此求其,讓幾條友拿住咪亂嗌一通?

仲有,有咩理由論壇主持人要與候選人鬥大聲?主持人既已裁定涂謹申有權回應,鍾港武手上的咪應該變無聲,等涂謹申有機會出聲.現在成個論壇嘈過街市,叫觀眾點聽,真係不知所謂.

香港傳媒已經墮落,平時淨係識得找靚主播報新聞,專業訓練拋緒腦後,傳媒與馬檻一樣,淨係識得搵新女.現在搞個選舉論壇,有幾多料子即刻原形畢露,唉!

我唔係針對這間電視台,事實上成行都係咁.


[引用] | 作者 一名痛心疾首的記者 | 30th Aug 2008 06:04 AM | [舉報垃圾留言]

[20] Re: fighting phoneix
fighting phoneix : 路人丙 當全世界都以潑、以惡橫行,仍要扮斯文係你自己低能、無能。若別人持惡行兇摑了你左臉,係咪要俾對方摑埋右臉才叫"高水平"?咁"高質素"的儍佬就留番俾閣下做好咯!好一個高水平,好一個高質素,你真係一個叻仔照你既意思,如果差佬唔拉人既話,出邊個個都係殺人放火強姦,咁閣下自然都會做埋一份了,因為你唔想扮斯文,你唔想做傻佬,你唔想執輸,人地殺人放火強姦,跟住人地做就得啦,人地食屎你都會跟住人地...

唔好玩以偏概全,偷換概念,人地根本不是這個意思。

Gunner
[引用] | 作者 Gunner | 30th Aug 2008 12:50 PM | [舉報垃圾留言]

[21] Re: fighting phoneix
fighting phoneix :
路人丙 當全世界都以潑、以惡橫行,仍要扮斯文係你自己低能、無能。若別人持惡行兇摑了你左臉,係咪要俾對方摑埋右臉才叫"高水平"?咁"高質素"的儍佬就留番俾閣下做好咯!
好一個高水平,好一個高質素,你真係一個叻仔
照你既意思,如果差佬唔拉人既話,出邊個個都係殺人放火強姦,咁閣下自然都會做埋一份了,因為你唔想扮斯文,你唔想做傻佬,你唔想執輸,人地殺人放火強姦,跟住人地做就得啦,人地食屎你都會跟住人地...

嘩,好彩閣下仲知香港有差佬啫(睇嚟又儍唔晒噃)!乜你唔知殺人放火強姦係刑事罪咩?呢啲嚴重罪行乜你都想自己"上陣"唔搵差佬執法?閣下咁上腦我真係幚你唔到咯!不過,對果啲口舌招尤者以潑還潑、以惡還惡;而又冇觸犯法律則奉陪到底都幾過癮!
至於"食屎"呢家嘢呢,如果啱口味的話就自便啦;千祈咪客氣喎!


[引用] | 作者 路人丙 | 30th Aug 2008 20:00 PM | [舉報垃圾留言]

[22] Re: Gunner
Gunner : 唔好玩以偏概全,偷換概念,人地根本不是這個意思。


什麼意思?佢既意思就係人地惡,你就要惡過人

人地大聲,你就要大聲過人

人地串你,你就要串返人地

總之以眼還眼,以牙還牙,以暴易暴就是了?根本唔需要去講道理,對吧?

再講,呢次辯論,不論是民主黨,民建聯定係黃毓民,都不是以理服人,全都是得個惡字,

辯論技巧?抱歉,完全沒有,

我想連小學生的辯論比賽的水平也比這場垃圾辯論要好得多,19樓那位人兄已經講左

當然,喜歡睇人地鬧交的人,絕對有視覺和聽覺上的享受

fighting phoneix
[引用] | 作者 fighting phoneix | 30th Aug 2008 20:13 PM | [舉報垃圾留言]

[23] Re: 路人丙

路人丙 : 嘩,好彩閣下仲知香港有差佬啫(睇嚟又儍唔晒噃)!乜你唔知殺人放火強姦係刑事罪咩?呢啲嚴重罪行乜你都想自己"上陣"唔搵差佬執法?閣下咁上腦我真係幚你唔到咯!不過,對果啲口舌招尤者以潑還潑、以惡還惡;而又冇觸犯法律則奉陪到底都幾過癮!至於"食屎"呢家嘢呢,如果啱口味的話就自便啦;千祈咪客氣喎

 

在下以為你唔知,所以提醒下你姐emotion

乜你唔知呢句是廢話嗎?emotion

你想咋掛?

呢句應該是指閤下吧?emotion

梗係過癮啦,因為閤下最鍾意玩呢味野emotion慢慢玩啦

食屎呢家野就唔啱我口味喇,不過在下知道食屎一定好啱你口味,因為你把口同屎一樣臭,睇怕閤下都係因為食得太多屎所以搞到咁臭啦emotion唉,閤下都係唔好食得太多屎喇,成日搞到咁臭就唔係幾好啦~

fighting phoneix
[引用] | 作者 fighting phoneix | 30th Aug 2008 20:28 PM | [舉報垃圾留言]

[24] Re: fighting phoneix
fighting phoneix :

路人丙 : 嘩,好彩閣下仲知香港有差佬啫(睇嚟又儍唔晒噃)!乜你唔知殺人放火強姦係刑事罪咩?呢啲嚴重罪行乜你都想自己"上陣"唔搵差佬執法?閣下咁上腦我真係幚你唔到咯!不過,對果啲口舌招尤者以潑還潑、以惡還惡;而又冇觸犯法律則奉陪到底都幾過癮!至於"食屎"呢家嘢呢,如果啱口味的話就自便啦;千祈咪客氣喎!
 
在下以為你唔知,所以提醒下你姐
乜你唔知呢句是廢話嗎?
你想咋掛?
...


乜廢話嚟咩?咁廢話都係留番俾廢人講好啲,正常人都係咪插嘴咁多咯。唉,費事話我歧視廢人啦,千祈唔好去平機會告我噃(好驚呀)!
睇你,一講到"屎"就咁鬼high,high到色香味俱全!真係唔想破壞你良好感覺,請繼續啦……嗱,我唔得閒陪你喇,早唞!


[引用] | 作者 路人丙 | 30th Aug 2008 21:19 PM | [舉報垃圾留言]

[25] Re: fighting phoneix
fighting phoneix :
不論是民主黨,民建聯定係黃毓民,全部都是潑婦罵街,得個惡字,呢d就係所謂既辯論?低水平到死

才子陶傑都讃黃毓民嘅功力(http://www.sendspace.com/file/9k8d3l)。唔係睇唔起妳,但係如果論學識,但諗妳未到黃毓民教大學嘅level。佢哋嘅辯論時間咁短,而黃毓民可以係咁短時間, 跑咗出嚟,真係唔係人人可以做到。


[引用] | 作者 kman | 30th Aug 2008 22:00 PM | [舉報垃圾留言]

[26] Re: fighting phoneix
fighting phoneix :
Gunner : 唔好玩以偏概全,偷換概念,人地根本不是這個意思。什麼意思?佢既意思就係人地惡,你就要惡過人人地大聲,你就要大聲過人人地串你,你就要串返人地總之以眼還眼,以牙還牙,以暴易暴就是了?根本唔需要去講道理,對吧?再講,呢次辯論,不論是民主黨,民建聯定係黃毓民,都不是以理服人,全都是得個惡字,辯論技巧?抱歉,完全沒有,我想連小學生的辯論比賽的水平也比這場垃圾辯論要好得多,19樓那位人兄已經...

佢哋嘅辯論時間咁短,根本就有理說不清。唔係妳講嘅「以牙還牙,以暴易暴」,辯論技巧在於用人嘅強項而反攻。再者,邊個係辯論嘅裁判 - 係啲觀眾,好明顯大部人都話黃毓民勝。我唔係黃毓民嘅fans,但係都覺得黃毓民辯論真係有啲本事,當黃毓民嘅死對頭陶傑都讃黃毓民嘅功力時,真喺唔可以好似妳咁講, 「辯論技巧?抱歉,完全沒有」


[引用] | 作者 kman | 30th Aug 2008 22:27 PM | [舉報垃圾留言]

[27]

我成日都話,網友間互相交流切磋,彼此尊重,即使意見南轅北轍,也無傷大雅。

最怕一些人動輒吐出滿口排洩物,污染別人版面,還用上層遞排比頂真等修辭法,樂此不疲,亢奮難抑。

放心,我不會因此刪去留言,一來顯示言論自由,二來也讓大家見識一下閣下的水平,實叫人望塵莫及,自愧不如。

Gunner
[引用] | 作者 Gunner | 30th Aug 2008 23:10 PM | [舉報垃圾留言]

[28] Re: 路人丙
路人丙 :乜廢話嚟咩?咁廢話都係留番俾廢人講好啲,正常人都係咪插嘴咁多咯。唉,費事話我歧視廢人啦,千祈唔好去平機會告我噃(好驚呀)!睇你,一講到"屎"就咁鬼high,high到色香味俱全!真係唔想破壞你良好感覺,請繼續啦……嗱,我唔得閒陪你喇,早唞!


係囉,在下正是留番比你講囉emotion你既然都講到出口承認你自己是廢人,在下又點會阻你呢?

唔係high,係好驚,好驚閤下有一日食屎食死左,咁就唔係幾好啦,在下擔心閤下姐

fighting phoneix
[引用] | 作者 fighting phoneix | 30th Aug 2008 23:33 PM | [舉報垃圾留言]

[29] Re: kman
kman : 才子陶傑都讃黃毓民嘅功力(http://www.sendspace.com/file/9k8d3l)。唔係睇唔起妳,但係如果論學識,但諗妳未到黃毓民教大學嘅level。佢哋嘅辯論時間咁短,而黃毓民可以係咁短時間, 跑咗出嚟,真係唔係人人可以做到。


咁就梗係啦,不過唔一定要叻過佢地先可以批評佢地嫁wo

跑左出黎?我都覺,不過係鬧交技巧跑左出黎,非常利害emotion

fighting phoneix
[引用] | 作者 fighting phoneix | 30th Aug 2008 23:41 PM | [舉報垃圾留言]

[30] Re: kman
kman : 佢哋嘅辯論時間咁短,根本就有理說不清。唔係妳講嘅「以牙還牙,以暴易暴」,辯論技巧在於用人嘅強項而反攻。再者,邊個係辯論嘅裁判 - 係啲觀眾,好明顯大部人都話黃毓民勝。我唔係黃毓民嘅fans,但係都覺得黃毓民辯論真係有啲本事,當黃毓民嘅死對頭陶傑都讃黃毓民嘅功力時,真喺唔可以好似妳咁講, 「辯論技巧?抱歉,完全沒有」


冇錯,係d觀眾,所以在下不認為有邊個人得勝,在下認為全部都是潑婦罵街,大聲夾惡,我非常不喜歡這樣,大部分人點睇?唔關我事,大部分支持又如何?總之我唔同意就會反對

看辯論技巧?中小學生的辯論比賽更多吧,根本冇必要睇黃先生

至於陶傑?跟黃先生差不多吧

fighting phoneix
[引用] | 作者 fighting phoneix | 30th Aug 2008 23:52 PM | [舉報垃圾留言]

Next